"FIRST" Ka Nga Mag-Comment, Eh Ano Naman Ngayon?

04/04/2012, 06:01 PM

Ito ay isa sa mga pauso ngayon sa mundo ng social networking (minsan pa nga e sa iba pang mga websites) makikita ito sa comment thread ng isang post o di naman kaya’y sa isang artikulong nakalathala sa isang website o di naman kaya’y mga video sa YouTube.

Ang salitang FIRST. Sa dating pa lang, superior na. Paano kasi, una. Mabilis pa sa alas-kwatro. As in, nauna lang siya magkumento. At masaklap nga lang, e yun din lang ang nilalaman ng comment niya.

Pero mas akma lang yata ang kumentong yan kung may paligsahan ka na sinasalihan. Parang ganito:

First 5 people who will comment on this post will win tickets to The Hunger Games.

O di naman kaya’y saktong trip lang, parang ganito:

ang unang 10 magko-comment sa post na ito, irarampa ko ang profile niya sa page na ito.

 Dyan, pwede mong sabihin ang ranggo mo.

E pano kung mga tipikal lang na post ang makikita mo. Example, ang status mo na galling ka sa isang liblib na lugar, isang patamaang quote sa mga bitter sa network mo, link ng video ng isang astig na kanta pero noong dekada ’90 e jologs naman maituturing pa yun, e ba’t ka magko-comment ng “first?”

Ano to? Pauso lang? Sabagay una itong nakita sa mga pages ng mga kanluraning bansa, tulad ng mga fan pages (or like, sa panahon ngayon) ng mga artista sa Facebook, mga pelikulang hinangaan mo noon, o di naman kaya’y mga luiga ng pamapalakasan tulad ng NBA, at iba pa.

Pero ano nga ba ang pakialam namin kung “first” ka? 

Ano ‘to, karerahan? May award ka bang makukuha dyan? Mabibigyan ka ba ni Kuya Wil ng jacket sa Wiltime Bigtime nyan? 

Hindi sa pambabasag ng trip, ha? Pero parang kami pa ang nababasag ng mga kulukoy na ‘to na imbes na gamitin ang internet sa katinuan. May hawak din ako na isang page sa Facebook kaya kahit papano e maalam ako sa mga ganayng aspeto pagdating sa pagkilala ng isang user.

Sa pagkukumento ba ng “FIRST” malalaman kung gaano kakabilis mag-refresh ng browser mo (either via mouse click sa refresh icon o thru pressing F5 sa keyboard) sabay type ng F-I-R-S-T (minsan all caps at with matching exclamation mark pa) sabay pindot ng ENTER (mas mabilis pa to kesa sa pindot ka ng comment , ‘no? lalo na kung pasmado ka), kung gaano katikas ka tumantiya sa news feed, o sadyang yan lang ang alam mong gawin sa harap ng computer mo?

Ah, ewan. Pero sa kabilang banda, hindi naman kaya’y masyado rin tayong nagiging mapanghusga sa mga putok sa buho na yan? Yung feeling natin e masyado tayong mataas?

Alam n'yo kasi mga 'tol, sa Facebook na rin kasi makikita kung gaano kataas ang morale ng isang tao sa sarili niya (via his or her posts, obvious) at hindi na bago ang mga ganitong itsura kung panghuhusga lang naman ang usapan. Ang dami diya mga tila screenshot ng isang “epic fail” (actually, yung term din na yan e isang malaking PAGKAKAMALI din) na posts o litrato o kung anu-ano pa. Andito mo malalaman kung sino ang mga elitista kung pagdating sa pag-iisip. (Korek ka kung ang sagot mo sa Ingles ay “elitism”)

Pero ito lang naman kasi ang punto ko dito, kung walang sasabihing matino e di manahimik ka na lang. Magpakasibilisado ka sa harap ng iyong monitor at keyboard at isama mo na dyan ang CPU pati mouse, headset at kung anu-ano pang nakakabit sa computer mo. Wala kaming pakialam kung nauna kang magkumento dahil hindi naman lahat ay nakikipagkarerahan sa iyo. At hindi rin magtatalak ang mga matitino dyan kung hindi sa mga hindi umaasal ng maayos sa internet.

Pero, pambasag lang dyan, “E, pakialam nyo din? Self-expression namin to e.”

Ah, ganun? Self-expression ba kamo? 

“SELF-EXPRESSION” YOUR FACE! 

Kaya ang daming bastardo sa internet e. Ika nga ng isang video, “Sa comments section, wag na wag magpost ng FIRST, kasi FIRST ka saan? FIRST ka lang KABOBOHAN.” Napaka-rude nga lang ng approach pero sa lipunan na kung saan ay dominante ng masa ang populasyon, tama lang ang salitang yan.

Author: SLICKMASTER |  | © 2012 september twenty-eight productions