03/15/2013 12:15 PM
Ito ang isa sa mga nauusong bagay ngayon. Ika nga ni Lourd
de Veyra, “Kung tarantado ang tanong, tarantado rin ang sagot.” At kasama d’yan
ang pag-pertain sa mga jokes ni Papa Jack (Caller: Ako? DJ: Hindi, yung
Kalabaw. SIYEMPRE, IKAW!!!) at sa mas pagpapasimuno ni Vice Ganda (Hindi na
kailangan pang bigyan ng sandamukal na halimbawa. Either pumunta ka sa blog ni
Juan Mandaraya na pinamagatang “Vice Ganda Syndrome” o ika nga ni Stanley Chi,
IGMG or in short, I-Google Mo, GAGO!), kasama na d’yan ang dalawang installement
ni Word Of The Lourd’s "Snappy Answers to Stupid Questions."
Oo nga naman kasi. Bakit ka pa magtatanong kung obvious
naman ang sagot? Parang ito lang.
Vice: Pasok mo nga dito yung mga papeles ko.
Assistant: Sir, saan ko ipapasok , dito
sa loob"?
V: Hindi! Sa labas, ipasok nga ‘di ba? Puwede bang ipasok sa labas? Sige
nga, subukang mong ipasok doon sa labas!
O ito:
(Sa gasoline station,
pagbaba nya ng window)
Gas boy: Magpapagas po?
Vice: Hindi, magpapaconfine ako. Malamang magpapagas! Gasolinahan ‘to 'di ba?
Alangan magpaconfine ako dito? Tapos dextrose ko
'yung unleaded gasoline niyo, at ayun na yung ikakamatay ko.
O mas lalo naman ito:
Jun: Isda po ba ito? (Sabay turo sa isda)
Lourd: HINDI. BAKA YAN!
(see:
WOTL’s Snappy Answers to Stupid Questions EP)
Minsan kasi, sa kabilang banda, kaya minsan nagkakaroon ng
mga tinatawag na “nakakatangang tanong” dahil hindi nila alam kung paano
magstart ng matinong usapan o transaksyon.
Puwede ring sadyang slow lang yung nagtanong. Hindi naman lahat ng
tanong ay magkakalevel ang utak.
Pero huwag ka naman ding magtanong ng mga ganito, kasi baka
malamang tatangahin ka ng kausap mo sa mga sagot n’ya.
Hanggang saan aabot ang 20 pesos mo? (Unless
ikaw yung copywriter ng alinman sa mga Selecta Cornetto commercial, e tingin
mo, may patutunguhan pa ang halagang yan sa ngayon maliban sa ice cream na yun?
Well, sarap din naman e.)
What is the world’s number 2 shampoo? (Ano ka, kalaban ng Head & Shoulders na sumuko na kumpetisyon?)
Masasaya lang ba ang kumakain ng Happy Meal? (E paano kung depressed ka at hindi mo trip ang McDonalds?)
Kung bukas pa luluhod ang tala, bakit hindi pa ngayon? (Ano ka, astronomical version ni Nostradamus?)
Kung nag-evolve ang tao mula sa unggoy, at what point ka nagpaiwan? (Ano ka, si Diego na laging biktima ng mga discriminatory jokes sa Bubble Gang?)
O kung mas malala:
Kung mamamatay ka bukas, bakit ‘di pa
ngayon? (Sino ka, si Sheyhee at kalaban mo si Andy G? At parang sadista
mo naman tsong.)
(See: Bubble Gang JOB INTERVIEW EP, and FlipTop: Shehyee vs.Andy G)
Oo nga. Huwag ka naman magtatanong nga mga ganyan, lalo na
kung korni pa ang labas mo. Hindi na nakakatawa (dahil hindi ka bagay maging
komedyante), nakakainis ka pa (panira ng mood ang mga yan e lalo na kung wala
pa sa tiyempo ang pag-crack ng joke).
Kumusta naman, ‘di ba?
Which reminds me sa isang anonymous question sa aking ask.fm
nun, na originally e galling pa sa isang kaibigan ko: “Kung ikaw ay magiging isang
artista, ano ka, sinewserte?”
Kung ikaw ang tatanungin ng ganyan, ang sarap lang basagin
ang trip n’ya no?
Ano ang pinakapunto niyan? Ayusin ang tanong, kung gusto mo
ng matinong sagot… at ng matinong kausap na rin.
Author: slickmaster | © 2013 september twenty-eight
productions
nakakatawa sya infairness..
ReplyDelete