Tirada Ni Slick Master: Religious Basher

10/15/2013 3:21:46 PM

Isa sa mga pinaka-ayaw ko sa lahat ay ang mga tao ay ang hindi marunong gumalang sa relihiyon ng kapwa nila. Don’t get me wrong, maraming ganyan sa hanay ng mga sekta. Minsan nga, pari pa nga ang may ganang gumawa ng ganyan e, maliban sa ilang mga atehista. Pero ito? Ang litratong ito? Naku, good luck na lang sa ‘yo sa pangbabatikos ng Pinoy patola mob.

Hindi ako kaanib ng Iglesia Ni Cristo. Isa akong Katoliko. Pero at least, alam ko na isa sa mga hindi napakagandang gawain ng isang tao – o in other terms, “kasalanan” – sa moralidad at konsensya mo (kung hindi man sa itaas, o kay “Bro,” or simply... “Diyos”) ang pagbastos mo sa paniniwala ng ibang tao. Oo nga ke tahasan man ‘yan ang pamamaraan o hindi.

Sa totoo lang, hindi lang naman siya ang may ayaw sa mga evangelical mission ng isang sikat na relihiyon sa Pilipinas e. Hindi lang siya ang nabadtrip sa matinding trapik kahapon. Hindi lang siya ang na-perwisyo mismo.

Pero para magbitaw ng matitinding salita sa Twitter? Tulad nito, na all caps pa at malulutong na mura? Naku, good luck na lamang sa iyo, te. Alalahanin mo na ang lawak ng kapangyarihan ng social media para sumikat ka, at sa parehong pagkakataon, para sirain ka. At sa katulad ng kasong ito, kapag nagbato ka ng isang matinding pananalita, chances are malalagay ka rin sa langaning sitwasyon. Lalo na kung mayroon sa network ng friends at followers mo ang bigla na lamang i-print screen yang post mo, i-upload sa kanyang profile, at ikalat pa ito sa publiko. At take note – ang “public” posts, mas malawak ang kakayanan na ma-reach, mas maraming makaaalam. Mas maraming makaaalam. At come to think na karamihan sa mga nagreact ay either: may alam talaga sa pangyayari, o nakikisawsaw lamang.

Sa totoo lang, wala sanang masama sa paglalahad ng pagkadismaya e. Wala rin sanang masama sa manner ng pagbibitaw ng salita ng pagkabadtrip. Kaso kahit ang pagiging bulgar at brutal, may hangganan pa rin. At kapag lumabis ka, hindi maganda ang kalalabasan. Parang kasabihan na “ang lahat ng sobra ay nakakasama.”

Sa kasong ito, well... foul naman na talaga ang ginawa ni ate e. Kung mabu-bully man siya sa cyberspace dahil sa ginawa niya (kahit na sa totoo lang ay hindi na rin naman tama), e gago rin kasi siya eh. Siya rin kasi ang may pakana ng kalokohan na yan eh.

Author: slickmaster | (c) 2013 september twenty-eight productions