Pikunang Non Grata

PATALASTAS: Para sa mga nadirect mula sa "Mga boss, pa-extend po!" Paumanhin kung nadala kayo sa maling link. Mababasa po ang naturang artikulo sa link na ito: http://theslickmastersfiles.blogspot.com/2014/08/mga-boss-pa-extend-po.html

***

08/22/2014 02:11:43 PM

Akalain mo, na-headline pa pala si Ramon Bautista noong nakaraang linggo? Nang dahil sa isang biro, dahil sa isang hipon, ay na-ban siya sa Davao. Ayan, na-persona non grata si Pogi.

What? Dahil lang sa isang biro, naging persona non grata siya? Tanginang kababawan yan oh.

Oo, alam ko, at nakakaurat lang. Ang babaw lang ng isyung 'to.

Ah, mababaw pala ha? Yan ang akala mo. Pero ano nga ba ang basehan nila kung bakit nabadtrip ang taga-Davao sa kanya?

(The video was already taken down by the user)

Ahh, ito pala. Ang dami raw kasing "hipon" sa Davao.

Ganun? Eh bakit pa sinakyan ng crowd ito kung OFFENSIVE naman pala ang binitawang salita ni Ramon Bautista? Ano 'to, gaguhan, na para kang tumikim ng durian tapos sinabi mong nasarapan pero pagkatapos nun ay nabadtrip ka dahil taliwas sa naunang wika mo ang talagang panlasa niya para sa'yo?

Kalokohan.

Ito ang problema: komedyante siya, at host sa isang sponsored event na naganap noong kasagsagan ng Kadayawan festival sa Davao City.

Pero sa kabilang banda kasi, nasa Davao siya, which means, bisita lamang siya. May nga nagsasabi rin na wala sa lugar siya magpatawa nun, kahit sabihin natin ang argumento na komedyante siya. Obviously, kung hindi mo alam na isa siyang ganun ay yan ay dahil sa ang alam mo lang ay ang mga bading na stand-up comedian na palagiang gig sa mga comedy bar at ultimo ang mga battle MC o rapper mula sa mga gaya ng FlipTop lang ang nalalaman mong pagpatawa.

At speaking of which... ito rin ang isa sa mga stereotype pagdating sa mga comedian: pag sikat gaya nila Vice Ganda, o Jose Manalo ang bumitaw, pustahan tayo, hahalakhak ang buong crowd niyan. Pero kung hindi mga sikat gaya ng taong 'to na si Ramon Bautista, o yung mga hindi talaga kilala ng marami gaya nung mga nasa stand-up comedian na lalake, o ultimo yung mga dating lalakeng miyembro ng palabas na Usapang Lalake, hindi ganun kaganda ang magiging reception ng audience sa mga biro nila.

Sa madaling sabi: masaydo tayong mapagdiskrimina sa mga komedyante. To tell you frankly, mas malakas bumitaw ng joke si RB kesa sa ibang komedyante sa mainstream ngayon. Base na yan sa minsang pag-attend ko sa ilang event na siya ang either tampok o panauhin. Oo, pagtambalin mo pa sila nila Stanley Chi, Papa Dan ng Barangay LS, Jun Sabayton, Lourd de Veyra, Angel “Erning” Rivero, mga host ng Boys Night Out, at ultimo ang yumaong Arvin “Tado” Jimenez. Actually, kahit dalawa lang sa mga nabanggit ang isama mo kay RB at tiyak lakas ng chemistry nila sa pagpapatawa.

At, may isa pang dahilan siguro: yan ay ang pag-generalize. Alam ko, minsan sa madalas, isa 'tong NO-NO pagdating sa pagbibigay ng hatol o sa laranagan ng pamamahayag. Sabagay, ang pagtawag nga naman kasi ng “hipon” ay maituturing na rin na isang akto ng hindi pagbigay-galang, eh lalo na kung bisita siya.

Pero.... nag-sorry naman siya. Hindi lang isang beses, kundi ilan pa.

(The video was already taken down by the user)

Tignan mo nga at nagpakita ng bayag na tumapak sa entablado sa kabila ng kalahating pagcheer at kalahating BOO na crowd para sabihin ang kanyang paghingi ng dispensa. At nagpakita ng sinseridad.

Hindi raw ito sapat, ayon kay Inday, ang dating mayor ng Davao, ang kanyang utol na si Vice Mayor Paolo Duterte, at ultimo ang erpat na si Mayor Rodrigo Duterte.

Bago kayo magsireact nang “Anaknangputanaman! Ang bababaw naman ng dahilan n'yo!” Aba, may Anti-Discrimination Oordinance sila. May Women Development Code pa. Kaya sa totoo lang, hindi ka pwedeng magbiro nang ganyang klaseng biro sa kanila. May kaakibat ito na mulang limang libong piso at pagkakakulong nang hanggang 15 araw.

Ganun? Yun naman pala eh.

Isa pa: kung aanalisahin ang paglabas nila ng statement na nagsasabing persona non grata si Bautista, tila pinapalaganap nito ang kutura ng sexism.

Ngunit sa kabilang banda, ano 'to? Masyadong sensitibo ang mga tao rito? O dahil nalalagay tayo sa panahon na “politically correct” na ang mga tao? Sa panahon kasi ngayon, magbitaw ka lang sa mga mala-Palito ang katawan na PAYAT at isa sa bawat isang daan katao dyan ay tiyak na isusumpa ka sa isipan pa lang niya at ipapakulam ka hanggang matuto kang lumuhod sa mga kumunoy niya.

Pero bakit ang RAPE joke ni Vice Ganda nun? Oh, ibang isyu pala yun. Mas sensitibo. Sorry naman.

Alam mo, as much as ina-admire ko ang matinding pag-implementa ng batas ng mga Duterte sa Davao, yun nga lang, kahit sabihin pa natin na mukhang mag balidong basehan sila, ay tingin ko, masyado namang marahas ito. Balat-sibuyas na move 'to. Kung kokontra man ang Commission of Human Rights (CHR) sa kada kilos ng Davao City government, siguro sa mga ganitong kaso lang sana (oo, siguro kung buhay tinangka at inutang, at pinairal ang kamay na bakal sa Davao, yun malamang, tama lang.).

Oh, okay, sabihin natin na mali talaga siya. At ganun ang impact. Bakit hindi lang siya pagmultahin, o parusahan sa ginawa niya? Nang ayon sa batas nila? Tutal multa at pagkakakulong din yun. Hindi ka naman siguro ia-assassinate ng Death squad, di ba?

Anyway, yan ang hatol nila. Wala tayong magagawa diyan. Tutal tinanggap lang naman ni RB ang naturang desisyon, yun na lang. Masyadong maikli ang buhay para madismaya nang sobra-sobra sa isang nuknukan ng babaw na isyu.

Author: slickmaster | ©2014 september twenty-eight productions

Follow SlickMaster on: Twitter, Instagram, Facebook, Flickr, and Tumblr.