Snappy Answers to Stupid Breakup Questions (and Follow-up Conversations)

06/17/14 01:38:23 PM

It's been a very long while mula noong una akong nagsulat ng “snappy answers” para sa mga katakut-takot pero nakakatarantadong lovelife at pormahan questions. Well, parang yung MAD Magazine lang e no?

Una kong sinulat ang ganung artikulo noong Oktubre 2012, sa panahon na pinuputakte ako ng mga tanong ukol sa pormahan, at yan nga lang ang aking mga naging sagot.

Ngayon, hindi lang pang-pormahan ito. May pang-break-up pa!

My Take: WOTL’ s Snappy Answers to Stupid Questions

8:14:47 PM | 5/3/2013 | Friday

Isa sa mga sinusubaybayan kong programa sa Television ang interstitial na Word of The Lourd. At ang episode ng ito ang isa sa mga pinakapaborito ko: Snappy Answers To Stupid Questions. Pero yung unang installment ha? (Corny na kasi yung pangalawa)

Sa aking pagmamamasid, isa rin ito sa mga pinutakte sa YouTube. Dumami ang mga nagpost ng hate comment sa host at sa palabas na ‘to mismo. Ano ‘to, hindi sila sang-ayon sa puntong nilabas ng naturang video o hindi lang nila kayang umamin sa mga katangahang nagagawa nila?

Tarantadong Tanong At Tarantadong Sagot.

03/15/2013 12:15 PM 

Ito ang isa sa mga nauusong bagay ngayon. Ika nga ni Lourd de Veyra, “Kung tarantado ang tanong, tarantado rin ang sagot.” At kasama d’yan ang pag-pertain sa mga jokes ni Papa Jack (Caller: Ako? DJ: Hindi, yung Kalabaw. SIYEMPRE, IKAW!!!) at sa mas pagpapasimuno ni Vice Ganda (Hindi na kailangan pang bigyan ng sandamukal na halimbawa. Either pumunta ka sa blog ni Juan Mandaraya na pinamagatang “Vice Ganda Syndrome” o ika nga ni Stanley Chi, IGMG or in short, I-Google Mo, GAGO!), kasama na d’yan ang dalawang installement ni Word Of The Lourd’s "Snappy Answers to Stupid Questions."

Oo nga naman kasi. Bakit ka pa magtatanong kung obvious naman ang sagot? Parang ito lang.

IGMG.

Hindi sa pagiging suplado at perfectionista ha?

Sa panahon ngayon na nag-uumapaw na ang mga bagay na nagbibigay kaalaman sa halos bawat tao, wala na yata tayong excuse na maging mangmang o ignorante pa. Halos accessible na kasi para sa sinuman ang internet, napadali na ang mga gawain natin sa buhay nang dahil dito lalo na sa panahon na kailangan mong pag-aralan ang iilang mga bagay-bagay, mula sa makalumang desktop hanggang sa mga magagarbong laptop, at ultimo sa isa sa mga paboritong hawakan ng tao – ang cellphone, pwede ka nang mag-internet.

Maliban sa mga nabanggit, andyan pa rin ang mga diksyunaryo, iba’t ibang klase ng libro, plaka (o CDs), Encarta kung uso pa ba iyan sa PC mo, at iba pa.

Kaya ano pa ang excuse mo para magtanong at magtanong ng mga… well, tanong? Lalo na kung…

Una, andun na yung sagot? (maliban na lang kung mahina ang kukote mo pagdating sa pag-intindi)

Pangalawa, kung ayaw mong maniwala sa mga sagot ng kausap mo?

At pangatlo, kung tamad ka na mag-search sa internet? Oo nga naman, ano. May Yahoo! na nga, Google, ASK.com, Wikipedia, at kung anu-ano pa ang mga website na pwedeng makasagot sa mga tanong na nakapaloob sa mga takdang-aralin mo. (Wag kasi atupagin ang social networking at pornography web sites kung dapat may mahalaga ka pang gagawin.)

Snappy Answers to Stupid Love Life (and Pormahan) Questions.

10/27/2012 | 11:07 a.m.

Ang blog na ito ay naglalaman ng matitindi o maanghang na salita. Bawal sa mga sensitibong mambabasa.

Ang lovelife nga naman, oh. Isa sa mga pinakamabentang paksa sa usapan ng kada taong nakakasalamuha ko, ke barkada man sa eskwela o kapwa tambay sa kapitbahay. Kapag meron ka nun, tiyak na hahaba ang usapan. At kung wala naman, tiyak na puputaktehin ka ng mga sandamukal na pang-aasar.

Sa totoo lang kahit lately ay ilang beses na rin na naging laman ng mga akda ko ang usapin sa lovelife, ay yun din naman ang tahasan kong iniiwasan na pag-usapan. E paano? Hindi marunong makuntento ang mga ka-talakay ko sa ganyang paksa. Kaya minsan, ito at ang mga ito na lamang ang nabibira ko sa kanila. (P.S. Para sa mga bata at batang-isip diyan, huwag gagayahin ang mga ito, ha?)