Hindi Kami Friends, Hindi Tayo Friends

06/02/2021 09:27:44 PM

Photo obtained from Manila Bulletin. 

Grabe. Nang dahil sa sinabi sa isang podcast, naging usapan ang pagiging 'tropa' after so long. Oo, kahit dalawang buwan na yun nakalagay sa Spotify.

Chismax Overload v. 2019

08/08/2019 05:12:04 PM

Magagandang araw, mga punyetang chismo't chismosa ng Pilipinas. Habang ang iba ay nagkakaproblema (at mangilang nangamamatay) sa kaka-deklara lanmg na Dengue Outbreak, ang bansa ay nagpupunyagi at namumutakte sa isang isyu ng mga artista na – pustahan – ay hindi naman talaga kilala.

SPOILER ALERT!!!

04/26/2018 07:34:22 PM

Photo credit: Dreamstime.com

So, worldwide screening na naman ng paborito mong palabas sa telebisyon, pati na rin yung mga pelikula na inaabangan mo after 12480921 years, at ultimo ang malalakihang sporting event na binobroadcast sa either TV o Internet. At siyempre, pag pelikula, dadayo ka na sa sinehan. Kung sa TV naman, malamang ay nakainternet ka na at maghahanap ng live streaming link kahit ilegal pa yan. Unless wala kang kahati sa boob tube mo at matino ang digibox.

Ganun talaga. Panahon na ng instant gratification para sa ilan eh. Habang ang mga pasensyoso at busy, maghihintay na lang kung kelan sila pwede makanood.

At ang isang produkto ng naturang instant gratifcation tehory ay ang mga spoiler. Bakit? Ewan ko. Excite sigro sila magkwento kahit sa malamang ay hindi naman lahat sa kanila ay intend na magmukhang spoiler.

Change Is Coming (sa MMFF)?!

12/26/2016 03:05:30 PM

Photo credits: ABS-CBN News

Ito ang hirap sa mga tao dito sa Pilipinas eh. Gusto ng pagbabago, pero pag andyan na yung pagbabago, panay pa rin naman ang reklamo. Minsan, ang hirap lang lumugar.

Kung maalala, noong isang buwan ay inanunsyo na ang walong opisyal na kalahok sa ika-42 na Metro Manila Film Festival, bagay na umani ng samu't saring reasyon – pero isa sa mga ehekutibo ng kilalang film ang umangal. 

Patawa Masyado

04/19/2016 09:57:21 AM

Nakakatawa. Maraming nagpapatayan sa argumento kung isa nga bang patawa ang binitawang salita ng tumatakbong presidenteng Rodrigo Duterte o hindi. Kung makapag-akusa ay wagas, para bang ang lilinis ng mga kupal. Yung iba namang dumedepensa, para namang ang daming alam na tama. Okay sana kung talaga namang straight yung facts na nakukuha—at kung talaga namang sumusporta sa kanya eh.

Ano ang ibig kong sabihin?

Out of Tune

7/15/2015 10:54:08 PM

Likas na sa ating lahi ang mahilig umawit. Oo, may K ka man talaga pag-awit o wala, ganun talaga.

Yun nga lang, sa naghihingalo (daw) na industriya ng muiska sa Pilipinas, mukhang sino ba naman ang hindi madididsmaya? (Oo, sinadya kong humirit ng ‘daw’ dahil sa totoo lang, kung patay na ang estado ng OPM, e bakit marami pa rin ang mga magagaling na musikero sa ating lupa? Nah, kalokohan lang ang ganoong paratang.)

I hate seeing artists lip-syncing on TV 😕

— Rhap Salazar (@rhapsalazar) July 5, 2015

Tama nga naman si Rhap Salazar nung sinabi niya na nagkaka-album pa ang mga personalidad na kilala pa sa paglilip-sync. As in mga hindi naman mga singer talaga. Samantala ang mga taong nagkukumahog at nagkakandarapa sa paggawa ng musika ay hindi nabibigyan ng break.

The Aftermath: 2014 NBA Finals

06/17/14 08:30:35 AM

As usual, hindi natatapos ang usapang NBA Finals sa pagtunong ng final buzzer o ni sa pagsabi ng broadcaster ng ESPN kung sino ang Finals MVP (na by the way, ay na-award kay Kawhi Leonard ng San Antonio Spurs), o sa mga post-game press conference.

Hindi mamamatay ang isyu na ito kahit na may World Cup pa ang mundo ng football, ang kasalukuyang kasabay na malaking sporting event sa larangan ng sports.

Bakit ganun? Malamang, marami kasi dyan ay hindi makaget-over sa usapang ito. Ke ang koponan niya ay nagchampion, o siya ay nanlulumo sa pagkatalo ng kanyang manok.

Bad Filipino Taste

3/28/2014 10:41:04 AM

Yan na naman tayo eh. Lumabas na naman ang pagiging balat-sibuyas nating mga Pinoy eh. Parang two years ago, nagngingit tayo sa galit sa isang foreigner na nagsabi ng mga bagay na ayaw niya sa Pilipinas.

Tapos, taong dos-mil-katorse na, may blogger lang na inayawan ang pagkain natin eh nagngitngit naman tayo sa galit.

Oo, nagalit tayo sa aleng ito.

Obama And Company's Selfie Moves

12/13/2013 4:51:52 PM

http://www.digitaltrends.com/

Oh, may selfie pala sila. Sinu-sino ang mga tinutukoy ko? Sila lang naman – si U.S. President Barrack Obama, British Prime Minister David Cameron, at Danish Prime Minister na si Helle Thorning-Schimidt.

Nakunan ng photographer ng Agency France Presse na si Roberto Schimidt ang naturang pagse-selfie nila Obama. Yun nga lang, ang asawa ay hindi nakatingin sa camera. Busy raw sa pagtutok sa pagbibigay-pugay ng mga ibang world leader sa namayapang South African President na si Nelson Mandela.

Ngayon, ano na? Ewan ko, basta ang alam ko ay mula noong kinuha ito ng mga major news outlet sa mundo ay naging viral na rin ito sa mga social networking site.

Knocking Blow

11/28/2013 2:57:04 PM

Ang labo din ng BIR no?

Teka, malabo nga ba? Bakit ko nasasabi ang mga ito? Pansinin.

Wala pang bente-kwatro oras matapos ang kanyang mala-epikong pagbabalik sa eksena ng boxing supremacy ay may isang malaking knock-out blow na ipinutok kay Manny Pacquiao. At hindi ito usapin ng kung sinong mapangahas ang naghahamon sa kanya para sa kanyang susunod na laban. Ano ang tinutukoy ko? Ito lang naman: ang laban sa “buwis.”

"Selfies" And Other Side-Shits.

11/15/2013 4:53:24 PM

"Porket nag-selfie, insensitive na kagad? ‘Di ba pwedeng tanga ka lang talaga?"

Hmm, maangas ba masyado? Ito kasi 'yan eh.

"Hindi lahat ng nagse-selfie ay walang pakialam sa mundo."

Pero may napansin lang ako: Bakit nga ba tinamaan ang mga nagse-selife sa panahon na ito ngayon? Ano meron, nasapul ba sila ng isang artikulo na naglalaman ng mga social networking tips sa panahon ng typhoon Yolanda?

Just My Opinion: Blaming Game?

11/11/2013 8:59:53 PM

Hindi ko ma-gets ‘to. Bakit kelangan pang manisi ng kuya natin?

Hindi na bago ang paninisi ni Pangulong Aquiono sa halos alinmang collapse na nagaganap sa bansa sa nakalipas na tatlong taon. Sablay ang pag-predict ang panahon? Sinisi ang PAGASA. Pag may katiwaliang naeexposed, sinisisi ang nakaraang administasyon. Kapag may taong loko-loko sa hanay niya, ni hindi yata magawa ang manisi. Pero kahit sa supernatural na kalamidad na tulad ng Typhoon Yolanda? Sinisisi ang pamahalaan ng Tacloban – yan ay sa kabila ng pagiging maagap naman ng mga gobyerno ng mga komunidad sa paghanda sa naturang bagyo.

Pero bakit kelangan ba niyang manisi? Dahil ba nag-hoard din ba sila ng mga relief goods? Nangurakot din ba sila tulad ng ilang mga negosyante at congressman?

"Hirit" Pa!

11/6/2013 7:04:31 PM

Maikling pasada muna tayo sa isa sa mga matutunog na birada sa nakalipas na mga araw.

Ang interview na ito ay naging matunog na balita kahapon. Sobrang matunog lang ay nagtrending pa siya sa Twitter sa lob ng dalawang araw (tama, kahit sa panahon na sinusulat ko ito ay laman din s’iya ng mga trnending topics sa naturang social networking site).

Senador agad? Oo, senador agad.

9:06:32 PM | 5/21/2013 | Tuesday

Ang post na ito ay follow-up sequel sa post na “Senador Agad?” na nailimbag noong May 9, 2013.

Senador agad? Oo, senador agad.

Photo credits: The Spin Busters

Kwestiyunableng Proklamasyon

6:40:07 PM | 5/21/2013 | Tuesday

Tapos na ang eleksyon. Naiproklama na ang mga nanalong kandidato. Kaso may pahabol na patutsada ang ilan. Pero hindi ang mga natalong kandidato mismo ang umaangal ng “pandaraya.” Alam mo kung sino? Ang ilang mga personalidad, at ang kanilang nirereklamo ay ang pagproklama sa labindalawang mga senador na nananlo nitong 2013 midterm elections.

Ang Feeling ng Taiwan

7:00:45 PM | 5/21/2013 | Tuesday

Ang feeling rin nila, ano? Pagkaliit-liit lang naman ng lugar, pero akala mo kung sinong Goliath kung mag-angas?

Pero bakit nga ba humantong sa ganitong kaanghang na relasyon ang dalawang bansang ito? Minsan tuloy naisip ko, pagkamalas-malas nga naman ng kasalukuyang administrasyon pagdating sa usaping diplomatika, ano? Pambihira lang, lagi na lang kasi tayong binubully ng ating mga kapitbahay, lalo na sa usapin ng teritoryo. At nitong Mayo a-9 ay nasangkot na naman ang Pilipinas, at sino ang kalaban? Ang bansang Taiwan.

The Thin Line #2 - Tamang Reaksyon Lang o Sobra Na?

Uulitin ko ang sinabi ko sa Wanted: The Road Rager. Isa ako sa mga taong sumasaludo kay Saturnino Fabros at kumokondena sa marahas na gawain ni Robert Blair Carabuena. Ang ugali ng abusadong motorist ay hindi kainlamn dapat tularang ng sinuman. Bakit, ang tindi na ng karma ngayon. Hindi lang Diyos ang gumagawa, tao na mismo. At makikita ang mga iyan sa mga social networking sites.

Minsan napaisip ako. Tama lang ba ang paghihiganti ng mga tao para sa naagrabyadong si Saturnino Fabros o sobra na rin?

Sabagay, sa lipunang mahilig sumakay sa isyu, malalaman mo kung sino ang nakakaintindi sa hindi; at base iyan sa mga nilalaman na mga kumento nila. Yung iba, kinakastigo ang ginawa mismo ng tao. Hmm… oo nga naman. I mean, kelan pa naging tama ang tahasang pangtatampalasan ng isang mataas pero abusadong motorist sa isang alagad ng batas-trapiko na ginagawa lang ang kanyang trabaho?

Yung iba, halatang may masabi lang. kinakastigo ang itsura ng maangas na mama. Sabagay, sumakto ang kulay ng damit niya kay Barney. Nakakatawa din kung papansinin.

Yung iba, sakto lang. Parang oo nga naman din. Isa kang tao sa mataas na parte ng lipunan; isang executive sa HR ng Phillip Morris; nakatapos ng pag-aaral sa Ateneo, na kinikilala bilang isa sa mga pinakamataas na pamantasan kung sa edukasyon ang usapan. As in, ikaw na tila elitista ka, papatol ka sa isang pobreng traffic enforcer? Kinakaya mo? Anak ng pating naman oh. Tibay mo ha!

Sa sobrang init ng balita na ito, umaapaw ang mga nagbabagang reaksyon ng mga tao sa social networking sites.

Pero sa kabilang banda, hindi kaya cyber-bullying na rin ang ginagawa ng tao?

Mantakin mo ha? Ultimo ang mga contact details sa kanyang mga social networking profiles e walang pakundangan na nilalantad! Mula Facebook profile hanggang cellphone number hanggang sa address ng bahay niya? Hindi na kaya sobra naman yata yan?! Hindi naman kaya biktima na siya ng cyber bullying?

Hmm… possible, dahil sa tindi ng mga binabato ng tao laban sa kanya na tila out of hand na.

Pero sa kabilang banda, parang tama lang din ang ginawa ng tao. Maliban sa itsura ng tipikal na bully na nakita kay carabuena, e sobra-sobra din naman kasi ang ginawa niya kay Saturnino Fabros e. Kaya parang tama lang din. Balanse ika nga. Sobra ang ipinukol mo sa kanya, sobra din ang ibabato nila sa iyo. Ayan, gago ka rin kasi e. Tama lang yan. Karma, ika nga. Mas mabilis pa sa ngayon dahil sa advent ng social media.

Hmmm…. Pero ke tama lang o sobra na, magsilbi sanang leksyon sa atin ang mga nangyari dun. Una, maging kalmado lang. Alam ko nakakapang init ng ulo ang mga sitwasyon sa trapik lalo na sa oras ng nagiinit na tanghali pero walang mas titino pa sa matinong usapan. At, umintindi muna bago magreact. Que sa traffic man o mga sa social networking sites.

Author: slickmaster
Date: 08/19/2012
Time: 05:03 p.m.

Wanted: The Road Rager

08/19/2012  3:34 PM

Isang pasada sa isa sa mga maiinit na headline sa panahon na kahuhupa pa lang ng mga baha dito sa Kamaynilaan at mga kalapit na lalawigan na dala ng hanging habagat.

Isang video na naman ang kumalat sa internet, at ang nilalaman nito ay isang road rage incident na nakunan mismo ng isang crew ng media sa Quezon City.

Online Insecurity (Netizens, Attack! Este, Counter-Attack!)

02/07/2012 | 11:15 A.M.

Isang kabihan nga naman: "Insecurity kills."

Ito... at ito! (Parang script lang yan. Pansinin ang mga litratong nakalakip sa post na ito.) 

Sa lahat yata ng problema sa mundo, mawala man ang korapsyon, krimen, at iba pa… mukhang ito lang yata ang hindi mawawala sa lipunan – ang tahasang panghusga natin sa ating kapwa. At sa panahon na modern na ang lahat ng bagay sa mundo – sa panahon na pangunahing pangangailangan na ng tao ang cellphone, usb, e-mail, Facebook account, at iba pa – mas nagiging high-tech ang ating pamamaraan para pumuna ng kung anu-anong mga bagay kahit hindi naman lahat ay dapat pansinin. (Aba, malamang, yung iba dyan, KSP naman talaga eh) mula sa mga pinotoshop na litrato, sa sadyang mga larawan na naglalahad ng katangahan, sa mga patamang quotes na parang tinype sa powerpoint at sinave na JPEG format… hanggang sa mga screenshots ng mga kumeto sa YouTube na singdami na ng dislikes ang views nito, sa post niya sa Tumblr, tweet nya sa (malamang) Twitter, status sa Facebook, o kahit sa simpleng negatibong remark sa isang artikulo sa Yahoo o kung saan pang mga blogs na yan.